Tardou en chegar pero aconteceu. O primeiro triunfo en liga do Durán Maquinaria Ensino nesta tempada 2023-24 foi a domilicio e a costa do Kutxabank Araski. As lucenses venceron por un tanteo de 68-71.
O equipo que adestra Antonio Pernas viña de perder os catro partidos previos e tiñan ante si nesta quinta xornada a un rival directo. Ocasión perfecta para sumar e para poñer distancias co Kutxabank Araski.
No primeiro cuarto as galegas puxéronse un chisco por diante cun parcial de 16-22. No segundo aumentaron a distancia en seis puntos máis (30-42).
Á volta de vestiarios as locais conseguían adxudicarse o terceiro período cun parcial de 15-14 que colocaba o global do encontro en 45-56.
Baixón do Ensino na recta final
E no último cuarto as galegas estiveron preto de deixar marchar unha ocasión de ouro xa que perderon 23-15. O partido quedou 68-71 para o Durán Maquinaria Ensino que colleitou así o seu primeiro triunfo na Liga Endesa deste curso.
Con este resultado as galegas sitúanse no posto 13ª da táboa na Liga Endesa de baloncesto.
🔝 ¡Vaya señor partido de @aneolaeta!
La jugadora de @EnsinoLugoCB pone la directa para lograr una victoria de nivel fuera de casa. #LFEndesa
📲 https://t.co/lasFElh7eP pic.twitter.com/1F0h0PiRqF
— Teledeporte (@teledeporte) October 28, 2023
FICHA TÉCNICA
68) KUTXABANK ARASKI: Samantha Hill (15), Melisa Gretter (6), Marta Hermida Herraez (12), Tamara Seda (12) e A. Burani (-) – quinteto inicial -. Tamén xogaron: Laura Aliaga (9), Van den Adel (14), Alarcón (-) e Brittany Brewer (-).
71) DURÁN MAQUINARIA ENSINO: Laia Lamana (5), Imani Tate (20), Natalia Rodríguez (-), Bridget Herlihy (12) e Lydia Giomi (6) – quinteto inicial -. Tamén xogaron: Ane Olaeta (16), Esther Castedo (-), Ceci Muhate (4) e Bea Sánchez (8).
PARCIAIS: 16-22, 14-20, 15-14 e 23-15.
EQUIPO ARBITRAL: Carlos Javier García León, Eva Areate Giralt e Alejandro Calvo Aceña.
INCIDENCIAS: Partido da quinta xornada da Liga Endesa de baloncesto disputado no pavillón polideportivo de Mendizorrotza de Vitoria-Gasteiz (Álava). Consulta a acta do encontro na FEB.
⏰ FINAL FINAL FINAL
en Mendi‼️‼️‼️🏆 Jornada 5 Liga Femenina Endesa
LLEGÓ LA PRIMERA VICTORIA 😀@Araski 6️⃣8️⃣@EnsinoLugoCB 7️⃣1️⃣#VamosEnsino #ActitudRío pic.twitter.com/T3u5rvx78W
— Ensino Lugo (@EnsinoLugoCB) October 28, 2023
