Derrota do Poio Pescamar na cancha do STV Roldán por 6-4. O resultado supuxo a primeira derrota das galegas e, pola contra, o primeiro triunfo que as murcianas poideron adicarlle á súa afección. Logo de que o partido tivese idas e vidas no marcador coas locais e as galegas alternándose no marcador, finalmente as conserveiras cedían ante as xogadoras que adestra Joaquín Peñaranda.
Outra visita a Murcia na que o Poio Pescamar regresa sen puntos no peto. As futbolistas que adestra Manu Cossío remataron caendo nun partido no que chegaron a ir por diante. As galegas dominaron no arranque do partido sen que as ocasións se materializasen en gol. De feito, as primeiras en abrir o marcador foron as locais cun gol de Consuelo Campoy que aproveitaba un rexeite da cancerbeira Caridad 1-0. A ex do Burela, Jane, anotaba o 1-1 apenas un minuto despois cun tiro de falta no que o esférico entraba pola escadra da portería local.
O marcador non se movería ata logo da volta de vestiarios. Foi no minuto 30 cando Jane volvía marcar e colocaba ao Poio Pescamar por primera vez por diante no marcador 1-2. A brasileira anotaba froito dun contragolpe. As galegas remontaban e dábanlle a volta ao marcador. Aínda aumentarían a súa vantaxe, pero por mor dun gol en propia porta de Ángela Górriz un minuto despois do segundo de Jane (1-3).
O partido poñíase ben para o Poio Pescamar pero o goles caían un tras outro nesa fase do partido en non foi sempre do lado das galegas. Outra vez cun minuto de diferencia anotaba o 2-3 Alba Gandía achegando ao STV Roldán no luminoso.
A mesma Alba Gandía conseguía devolver as táboas ao marcador. E si, efectivamente, ocorreu un minuto despois. Do 30 ao 33 o encontro tivo un gol por minuto. Alternativas no marcador e o partido ‘tolo’ como se adoita dicir nestes casos.
Unha loucura da que tirou partido o grupo que prepara Joaquín Peñaranda. No minuto 37 Laura Fernández anotaba desde os 10 metros e colocaba de novo por diante ás locais. No 38 foi Martita quen, intentando despexar, rematou por anotar en propia porta (5-3). Vantaxe de dous goles para o STV Roldán.
Recurtou case de inmediato a súa compañeira Ana Rivera (5-4). A esperanza volvía a iluminar as facianas das futbolistas que adestra Manu Cossío, pero no 40 a futbolista do filial do STV Roldán Laura Fernández (que ten so 16 anos), outra vez desde os 10 metros, marcou o 6-4 e deu ao traste coas aspiracións das galegas.
O Poio Pescamar, sexto na clasificación
Tentárono as poienses co xogo de cinco pero sen éxito, regresaron sen puntos. Os tres quedaron en Murcia na casilla do STV Roldán que suma, con esta, dúas vitorias e colócase sétimo con sete puntos a so un punto do Poio Pescamar que marcha sexto na táboa clasificatoria da Primeira División do Fútbol Sala Feminino da RFEF con oito puntos (dous partidos gañados, dous empatados e este último perdido).
FICHA TÉCNICA
6) STV ROLDÁN: Cristina; Noelia, Alba Gandía, Alba y Mariángeles Villas (quinteto inicial). También jugaron, Marta Pelegrín, Patricia, Mariángeles Vicente, Ángela Górriz, Laura Fernández y Carmen María.
4) POIO PESCAMAR: Caridad; Jane, Ana Rivera, Luci y Dani Sousa (cinco inicial). También jugaron, Luisa Mayara, Julia Dupuy, Martita, Agostina Chiesa e Irene García.
GOLES: 1-0: min. 10 Consuelo. 1-1: min. 11 Jane. 1-2: min. 30 Jane. 1-3: min. 31 Ángela Górriz (p. p.). 2-3: min. 32 Alba Gandía. 3-3: min. 33 Alba Gandía. 4-3: min. 37 Laura Fernández (10 mts.). 5-3: min. 38 Martita (p.p.). 5-4: min. 38 Ana Rivera. 6-4: min. 40 Laura Fernández.
ÁRBITROS: Gabriel Pérez. Martínez Flores e Navarro Liza. Amonestaron con cartón amarelo ás xogadoras do Poio Pescamar Dani Sousa e Luisa Mayara. Por parte do STV Roldán viron cartón amarelo a futbolista Ángela Górriz e Joaquín Peñaranda, adestrador local.
INCIDENCIAS: Partido correspondente á quinta xornada de Liga na Primeira División do Fútbol Sala feminino da RFEF disputado no pavillón de Torre Pacheco en Murcia. Partido transmitido pola televisión autonómica murcinana, La7Deportes.