O Cidade de As Burgas notou en exceso a súa participación na Copa da Raíña durante a semana. O Majadahonda levou o duelo directo pola permanencia ante un conxunto ourensán que non puido reaccionar aos dous goles tempraneiros dos locais.
O duelo comezaba con equilibrio sobre a cancha e un temperán gol das locais, obra de Cels tras roubo de balón da propia xogadora, permitía as madrileñas asentarse sobre a cancha.
As ourensáns víanse por debaixo no luminoso dende moi preto e iso lastrounas moito durante todo o encontro. No ecuador do primeiro acto e despois dunha boa xogada elaborada Desi, o Majadahonda conseguía o 2 a 0 co que se chegaría ao descanso. Renta da que o Cidade xa non puido levantar a cabeza durante o resto do encontro. O cansancio de xogar a Copa entre semana e a intensidade dun xoven conxunto local foron as claves do encontro.
Na segunda metade, as locais optaban por contemporizar as súas posesións ante o empuxe visitante. Con partido costa arriba, o conxunto galego optaba polo xogo de cinco, con Ana Lastra como porteira xogadora. A falta de acerto das galegas e o bo facer defensivo das majariegas impediron máis variacións no luminoso.
O Cidade de As Burgas medirase a próxima xornada contra o Leganés no Pavillón de Os Remedios.
FICHA TÉCNICA
MAJADAHONDA: Lauri; Carmen, Chili, Cels e Coral (quinteto inicial). Tamén xogaron, Pitu, Sheila, Vero, Mali, Desi e Moni.
CIDADE DE AS BURGAS: Ana López Lastra; María Arias, Lucía Nespereira, Clara Fernández e Sonia (quinteto inicial). Tamén xogaron, Amelia, Nahir e Agora.
GOLES: 3′ Cels
10′ Desi
AMONESTACIÓNS: Sen amoestacións.
COLEXIADAS: Garro Arranz e Sánchez Martí do colexio madrileño. Mesa: Sánchez Bombín.
CANCHA: Pavillón Municipal A Granadilla. Ao redor de 100 espectadores.
