- O prazo para apuntarse á última proba puntuable desta tempada no Circuíto Coruña Corre, a de Novo Mesoiro, conclúe o domingo (20 de novembro) ás 23:59 horas.
Máis de 1.500 deportistas apuntáronse xa á última proba puntuable do Circuíto Coruña Corre 2022 e o prazo para anotarse á carreira que se celebrará en Novo Mesoiro afronta a súa recta final.
Aínda podes inscribirte ata o domingo 20 de novembro ás 23:59 horas en https://corunacorre.com/é/web/evento/2239/.
Case a metade das persoas que se inscribiron (máis de 700) competirán na carreira absoluta, que decidirá as clasificacións finais do circuíto e que completarán o domingo 27 de novembro 5,5 quilómetros no barrio de Novo Mesoiro.
Tras a absoluta, destaca a alta participación en Peques, con preto de medio milleiro de inscricións para o último fin de semana de novembro.
Lembra que a inscrición para menores de idade é gratuíta no Circuíto Coruña Corre e que, aínda que a última proba puntuable da tempada é a de Novo Mesoiro, por diante quedará outra, a que conmemorará en decembro o 50 aniversario do CHUAC.
Unha carreira popular conmemorará na Coruña o 50 aniversario do CHUAC
