A Federación Galega de Loita en colaboración co Club de Loita Keltoi e o Concello de Vila de Cruces, organizaron os campionatos galegos júnior e escolar de Loitas Olímpicas con un total de 108 inscricións. Cabe destacar o aumento no número de deportistas femininas que competiron, sendo Galicia un referente a nivel nacional no deporte feminino. En total houbo 15 equipos que representaron as 4 provincias Galegas neste torneo de máximo nivel autonómico.
Os campións Galegos, xa teñen pasaporte directo para os campionatos de España júnior de Loitas Olímpicas para os vindeiros 1 e 2 de Maio en San Agustín de Guadalix (Madrid). A competición de Loitas Olímpicas tivo lugar en xornada de mañá, dende as 10:00 ata as 13:00 horas, de xeito ininterrompido.
Os seleccionadores de Loitas Olímpicas tomaron nota
Os seleccionadores galegos estiveron pendentes dos resultados dos deportistas para confeccionar as diferentes seleccións galegas.
O Colexio Galego de Árbitros e Xuíces, que está de noraboa polas últimas convocatorias dos nosos árbitros para participar en eventos internacionais coa selección nacional, dirixiron esta competición que se desenrolou en tres tapices oficiais de 10 x 10 metros, cos novos valores do arbitraxe Galego. De este xeito, desde FEGALOITA púidose tamén avaliar o nivel dos colexiados que acudirán os vindeiros campionatos de España, representando a Galicia.
Desde a Federación Galega de Loita e D.A. trasladouse aos medios o seu agradecemento a “inestimable colaboración do Concello de Vila de Cruces, aberto sempre o deporte e que garante que estas competicións podan levarse a cabo, o Club de Loita Keltoi, a Secretaría Xeral para o Deporte e a Deputación de Pontevedra, así como os patrocinadores privados colaboran para que sexa posible organizar este tipo de eventos”.
- LOITA LIBRE OLÍMPICA.
- LOITA FEMININA.
- LOITA GRECORROMANA.
CLASIFICACION | |||||||
ESCOLAR LIBRE | ESCOLAR GRECO | ESCOLAR FEMININA | JUNIOR LIBRE | JUNIOR GRECO | JUNIOR FEMININA | ||
our | LOITA ATILA DE OURENSE | 5 | 2 | – | 3 | 3 | 1 |
kel | LOITA KELTOI DE VILA DE CRUCES | 1 | 1 | 1 | 5 | 2 | – |
cas | LUCHA EL CASTRO DE VIGO | 6 | 3 | 4 | 7 | 5 | 3 |
kuz | KUZUSHI DE VIGO | 7 | 2 | 4 | 5 | – | |
pnt | LOITA PONTEVEDRA | 3 | 5 | 4 | 4 | 3 | – |
sig | SAN IGNACIO DE VIGO | 2 | 4 | 3 | 1 | 1 | 2 |
vil | LOITAS OLíMPICAS DE VILALBA | 4 | – | – | 6 | – | – |
bai | LOITA SABARíS DE BAIONA | 7 | – | – | 2 | 2 | – |
vig | CIUDAD DE VIGO | – | – | – | 7 | 4 | 3 |
san | ESCUELA AYUDE DE SANTISO | 6 | 4 | – | – | 5 | 3 |
Protocolo COVID-19 no Campionato Galego júnior e escolar de Loitas Olímpicas
A burbulla da Federación Galega de Loita e D.A. tivo en Vila de Cruces, a súa segunda competición organizada en Galicia nos últimos 13 meses. Este sábado foi a continuación desta nova tempada.
A seguridade e os protocolos COVID, rexeron todas as competicións, establecendo un marco único de seguridade para todos os participantes. A obrigatoriedade de facer os test de antíxenos naseo-faríngeos, previos a competición, foron a grande novidade de estes eventos.
