O Campionato de España máster ao aire libre celebrarase entre o 18 e o 20 de xuño en Málaga e a el acudirán un total de 14 atletas de Galicia. O evento reunirá a máis de 2.200 deportistas, sendo a expedición galega a quinta máis numerosa das dezaoito participantes.
Nas probas femininas destacará a participación de atletas máster galegas como Luz Domínguez, do Burgas Ourense, campioa de España F55 da edición anterior e que competirá en 400 m. e 800 m.
Na F60 Esther Pedrosa estrea categoría, participando nos concursos de 800 m. e nos 1.500 m. Na mesma categoría estará Ana Abuín, quen defende as súas tres últimas medallas de martelo, martelo pesado e peso.
Pola súa parte, a campioa de España dos 20 k. marcha en roteiro do 2021, Emilia Rodríguez, do Trega, será outra das máster máis esperadas, aspirando ao título na proba dos 5.000 marcha.
Finalmente, a recoñecida atleta olímpica Julia Vaquero, participará nas distancias dos 1.500 m. e os 5.000 m.
A representación masculina estará liderada por Santiago Ferreiro no M35 de martelo pesado, Juan Morales no M40 nos 5.000 marcha, Basi Bernárdez no M45 de lonxitude, triplo e altura, Carlos Ferrer no M55 do concurso de disco e Pepín Rioseco no M80 nas probas de 800 m. e 1.500 m.
