Hoxe venres 15 de xullo comezará o Europeo de Seleccións de fútbol gaélico que terá lugar nas localidades de Pontevedra e Poio. Alí haberá representación galega feminina en varios equipos. Se hai uns días vos falábamos das 8 galegas do equipo de Iberia, hoxe falámosvos da Selección Galega Feminina composta por 14 xogadoras adestradas por Pablo da Silva.
Turonia GFF, Herdeiras de Dhais, Fillas de Breogán, Estrela Vermelha, Auriense FG e Dublin GAA son os seis clubs que aportan futbolistas a esta Selección Galega que defende o título e ademais, faino en Galicia como anfitrioas.
Estas son as 14 deportistas que integran a Selección Galega de Fútbol Gaélico:
- Silvia Álvarez Turonia GFG
- Alba Blanco Herdeiras de Dhais
- Alba Fontán Fillas de Breogán
- Lucía Mella Estrela Vermelha
- Miriam Rodríguez Auriense FG
- Lorena Pereiro Herdeiras de Dhais
- Ánxela Estévez Estrela Vermelha
- Laura Nercellas Heredeiras de Dhais
- Carme Reboreda Dublina GAA
- Antonella Larrascq Turonia GFG
- Loreto Alonso Estrela Vermelha
- Alba Rodríguez Auriense FG
- Leticia Zapata Fillas de Breogán
- Raquel Gómez Turonia GFG
O torneo estenderase ata o sábado 16, día no que se alcanzará o colofón deportivo coa celebración das grandes finais masculinas e femininas que retransmitirá a TVG.
Máis de 360 xogadores de toda Europa encherán os hoteis de Pontevedra e Poio e formarán parte deste evento deportivo no que Galicia é firme candidata a acadar a gloria deportiva tanto en categoría masculina como feminina.
O torneo celebrarase nos campos da Xunqueira e Monteporreiro en Pontevedra e no campo da Seca en Poio, con entrada gratuíta para os que queiran coñecer máis sobre o noso deporte.
Os partidos da Xunqueira retransmitiranse na canle de youtube de Gaelico Galego.
A Selección Galega de Fútbol Gaélico é unha das grandes potencias deste deporte, de feito no último europeo celebrado en Bretaña alcanzo o titulo en categoría feminina e o subcampeonato en categoría masculina, logros que quere volver a replicar nesta edición na que Galicia fai de anfitrioa.
As oito galegas de Iberia que competirán no Europeo de Seleccións de Fútbol Gaélico
Poio e Pontevedra acollen o Europeo de Seleccións de Fútbol Gaélico
