A proposta do responsable do sector de lanzamentos Raimundo Fernández, convócase a máis dunha ducia de atletas das categorías Sub-14 ata Sub-20 a unha sesión técnica no INEF Galicia de Bastiagueiro. As disciplinas de lanzamento de peso, de disco e de xavelina serán as que se abordarán nesta sesión técnica e de control.
A cita será este sábado día 27 nos horarios de 11:30 a 13:30 h. contando ca coordinación de Pepe Domínguez e a presenza do cinco veces olímpico e adestrador Frank Casañas.
“Con esta xornada técnica, reactívase presencialmente o Plan Galego de Tecnificación Atlética 2021 que estivo sen desenvolverse como consecuencia da situación sanitaria”, explican desde a Federación Galega de Atletismo.
A federación explica que como é costume, están convidados os adesteradores/as personais das e dos atletas convocados, sendo indispensable, e como único requisito, o de confirmar obrigatoriamente a asistencia (tanto de adestradores como de atletas) na ligazón de confirmación antes das 20.00 horas do xoves día 22 de abril.
O listado de atletas femininas que están convocadas, así como a súa categoría e disciplina de lanzamento é o seguinte:
- Xiana Andrade Lago, Sub-18 Peso
- Gema Dacosa Magdaleno Sub-16 Peso
- Victoria Eiriz Vázquez Sub-20 Disco
- Paula Mosquera del Río Sub-20 Disco
- Antía Otero Villar Sub-14 Peso
- María Pena Ferreiro Sub-20 Xavelina
- Paula Piñón Surerad Sub-20 Disco
- Noa Quintero Pena Sub-14 Peso
- Laura Rico Bouza Sub-18 Xavelina
- Antía Sestelo López Sub-20 Xavelina
- Xiana Lago Andrade, Sub-18 Peso
- Mar Simón Carreño Sub-14 Peso
- Sabela Vázquez Abalde Sub-14 Peso.
