- O plan comezou na tempada 2009/2010 con 80 equipos e un orzamento de 2,2 millóns ata acadar os 231 equipos patrocinados nesta última edición e 3,15 millóns de euros.
O secretario xeral para o Deporte, José Ramón Lete Lasa asinou os contratos de patrocinio cos equipos das áreas de Vigo e Pontevedra participantes no Plan de Patrocinio Publicitario dos Equipos de Alta Competición de Galicia da Fundación Deporte Galego.
O secretario xeral destacou a importancia do medio centenar de equipos de Vigo e a súa área e destacou que os equipos con presenza feminina (23 femininos e 3 mixtos) superan aos equipos masculinos (24). En total, os 50 equipos de alta competición reciben un total de preto 730.000 euros (729.162,12 euros), o importe máis alto das sete grandes cidades e que representa o 23% do orzamento de todo o plan.
No caso da área de Pontevedra, os seus 43 equipos patrocinados (22 masculinos, 20 femininos e 1 mixto) representan ao 19% dos equipos patrocinados de todo o plan e levarán un total de máis de 515.000 euros (516.524,64 euros).
No acto de Pontevedra tamén estivo presente o director de zona de ABANCA en Pontevedra, José Luis Ramírez Matos. No acto de Vigo participou o coordinador de negocio institucional de ABANCA en Vigo, Jose Luis Romero Quiroga.
Nas súas verbas, Lete Lasa apuntou a relevancia dun programa que comezou na tempada 2009/2010 con apenas 80 equipos e un orzamento de 2,2 millóns de euros e que foi medrando ata acadar os 231 equipos patrocinados nesta última edición (125 masculinos, 99 femininos e 7 mixtos) e os 3,15 millóns de euros de orzamento global.
En total, nas súas doce edicións, o Plan de Patrocinio ten chegado xa a 1.617 equipos cun total de 33 millóns de euros, grazas á inestimable axuda de ABANCA, que grazas ao acordo acadado en 2020, seguirá colaborando co deporte galego de alto nivel ata o ano 2024, cunha achega total de 10 millóns de euros desde 2015.
Do mesmo xeito, José Ramón Lete Lasa agradeceu a colaboración de Turismo de Galicia coa que vén de asinar un convenio por importe de 2,5 millóns de euros para a promoción do deporte galego. Dese montante total, 1,8 millóns de euros estarán destinados ao Plan de Patrocinio Publicitario dos anos 2021 e 2022.
O secretario xeral anunciou tamén que por primeira vez desde a xénese do plan realizarase un cambio nos prazos para adecuar o devandito plan ao calendario de competición dos equipos galegos. Deste xeito, en setembro de 2021, aprobarase o Plan de Patrocinio correspondente á tempada 2021-2022 que será a edición que contará cun maior orzamento ata chegar aos 3,9 millóns de euros.
Un centenar de equipos da provincia de Pontevedra
Os 50 equipos de Vigo e a súa área patrocinados nesta edición 2021 son:
BALONCESTO
- Club Bosco Vigo Celta Zorka Recalvi
- Seis do Nadal
- BB Porriño
BALONMÁN
- Conservas Orbe BM Porriño
- Mecalia Atlético Guardés
- Asociación Deportiva Carballal
- S.A.R. Rodavigo
- CDC Lavadores Vigo
- Rubensa BM Porriño
- Frigoríficos del Morrazo-Club Balonmán Cangas
- Acanor At. Novás
BÉISBOL
- Trasnos Béisbol Club
BALONCESTO EN CADEIRA DE RODAS
- Iberconsa AMFIV
FÚTBOL
- Sárdoma C. F.
- Club Deportivo Valladares
- UD Mos
- Coruxo F.C.
- RC Celta B
- E.D. Val Miñor – Nigrán
- CD Choco
FÚTBOL SALA
- Poio Pescamar FS
- Bembrive Fútbol Sala
VOLEIBOL
- Club Vigo Voleibol
TENIS DE MESA
- Illas Cies TM
- Cinania TM
- AD Vincios
PIRAGÜISMO CAIAC POLO
- Real Club Náutico Rodeira
- Club Piragüismo Penedo
REMO
- Sociedad Deportiva Tirán
ATLETISMO
- Club Atletismo Femenino Celta
- Real Club Celta de Atletismo
BÁDMINTÓN
- Club Bádminton As Neves
BOLOS
- Club Bowling Celta
ESGRIMA
- Club de Esgrima de Vigo El Olivo
HALTEROFILIA
- Club Halterofilia Vigo (feminino e masculino);
PIRAGÜISMO SPRINT
- Club Kayak Tudense feminino e masculino
- Club de Mar Ría de Aldán – Hermanos Gandón feminino e masculino
- Real Club Náutico Rodeira
CICLISMO
- Vigo-Rías Baixas
- Club Ciclista Vigués
- Team Cycling Galicia
- GSport – Velofutur
- Louriña Cycling Team
PIRAGÜISMO SLALOM
- Club Deportivo Miño – Os Teixugos feminino e masculino
- Club Piragüismo Penedo
LOITA LIBRE OLÍMPICA
- Club de Lucha San Ignacio
Os 43 equipos de Pontevedra e a súa área patrocinados son:
BALONCESTO
- AD Cortegada
- C.B. Arxil
- Club Baloncesto Arxil B
- Marín Peixegalego
BALONMÁN
- Asmubal Meaño
- Club Cisne Balonmano
- Sociedad Deportiva Teucro Pontevedra
- Balonmán Lalín
FÚTBOL
- Atlético Arousana
- Viajes Interrías Fútbol femenino
- Umia C.F.
- Pontevedra CF
FÚTBOL SALA
- Marín Futsal
RUGBY
- Pontevedra Rugby Club
TENIS DE MESA
- Tenis de mesa Monte Porreiro feminino e masculino
- Club Deportivo Vilagarcía Tenis de Mesa
- Club Cambados Tenis de Mesa
- Tenis de Mesa Monte Porreiro B
BÁDMINTÓN
- Sociedad Gimnástica de Pontevedra feminino e masculino
- Club Bádminton Ravachol Pontevedra
ESGRIMA
- Club Escola Hungaresa de Esgrima
HALTEROFILIA
- Club Halterofilia Rías Baixas feminino e masculino
PIRAGÜISMO SPRINT
- CMDC Breogán do Grove feminino e masculino
- Club de Piragüismo As Torres Romaría Vikinga de Catoira feminino e masculino
- Escuela de Piragüismo Ciudad de Pontevedra
- Club Náutico Pontecesures feminino e masculino
- Club Escola Piragüismo Poio feminino e masculino
- Club Náutico O Muiño
- Club Piragüismo C. P. Portonovo feminino e masculino
- Club Piragüismo Vilaboa
- Club Naval de Pontevedra
- Club Piragüismo Verducido
- Club Piragüismo Illa de Arousa
CICLISMO
- Club Ciclista Farto – Aguas do Paraño
- Grupo Deportivo Supermercados Froiz
