Doce riders representarán á Selección Galega o 11 de outubro no Campionato de España de Pump Track que este ano ten como sede a localidade oscense de Monzón.
Por terceiro ano consecutivo a nosa comunidade contará co combinado da Federación Cicismo Galego nesta cita deportiva considerada a máis importante do calendario desta emerxente especialidade.
A convocatoria é a seguinte:
ELITE F
- Yuli Paola Rey Dubra (Kiwi Atlántico-Craega)
JÚNIOR M
- Héctor Iglesias Budiño (Kamikazes, C.D.)
- Pedro Fernández Míguez (OsdoSacho, C.)
- Leo Álvarez Alonso (Pulpeiros, C.)
CADETE F
- Ainoa Posada Altolaguirre (AXPO / Firstbiketeam 7 Vila do Conde)
- Daniela Vilas Abilleira (Farto, C.C.)
- Paula Rodríguez Pérez (Val do Ulló, C.C.)
CADETE M
- Miguel Blanco Fernández (A Forna, A.D.)
- Noé Porto Estévez (Máster da Louriña, C.)
- Izan Lago Troncoso (Val do Ulló, C.C.)
INFANTIL F
- Inés Araújo González (VigoEnduro MTB, C.)
INFANTIL M
- Iker Viéitez Domínguez (Teis, C.C.)
Eva Castro coordinou a xornada na que se definiu a lista para esta Selección Galega
A lista de riders que defenderán as cores da Selección Galega en Monzón definiuse na Xornada de Tecnificación da Federación Ciclismo Galego (FCG) celebrada o sábado 20 de setembro na localidade coruñesa de Miño. “O circuíto é bastante técnico e alí aínda non se fixera ningunha actividade. Por iso decidimos ir, ao tratarse dunha pista nova que os corredores non coñecían”, explica Eva Castro, que coordinou a xornada xunto a súa man dereita Luis Manovel.
Eva Castro sobre o circuíto do Concello de Miño: “É bastante técnico e alí aínda non se fixera ningunha actividade. Por iso decidimos ir, ao tratarse dunha pista nova que os corredores non coñecían”
“O plan de traballo aplicado incluíu tests físicos e tres quendas cronometradas. Este simulacro de carreira serviu para practicar o xeito de preparar unha competición, poñendo o foco no quecemento e na concentración. O tempo acompañou para cumprir cos obxectivos marcados neste ensaio de cara ao Campionato de España”, explican desde a Federación Cicismo Galego.
Ver esta publicación en Instagram
