A Selección Galega de Judo convoca a unha ducia de judokas para competir no Cadet International Cup de Coimbra. O torneo terá lugar entre o 28 e o 30 de maio na localidade portuguesa.
O equipo galego parte coa desvantaxe de ter adestrado coas restriccións COVID, que impediron as sesións de traballo con contacto. Non foi así noutros países participantes neste campionato, que competirán con este punto ao seu favor.
O listado das nosas judokas
En total, doce judokas competirán nas categorías femininas do Cadet International Cup de Coimbra 2021. As deportistas abranguen os pesos de entre -48kg e +70kg.
No primeiro peso, o correspondente aos -48 kg, participarán Malena Castro e Marta Gaitero. Nos -52 kg haberá tres judokas: Belén Ferreiro, Inés Villahoz e Naira Blanco. No seguinte, os -57kg competirán outras tres: Alicia López, Lucía Pazos e Paula Fernández.
Xa nos -63 kg, a única judoka galega será Marina Gómez. No seguinte nivel, os -70kg estarán Ana Vizoso e Noa González. Finalmente, nos +70kg competirá June Moreno.
Coas deportistas viaxarán Mónica Pacheco, como delegada COVID, Sandra López, Joaquín Ruíz, Marcial Romero, Alberto Castro e Víctor Gómez como adestradores.
