Este domingo, 25 de abril, a Piscina Municipal Carballo Calero do Concello de Carballo convertirase no escenario do XII Campionato Galego de Fondo Máster, unha proba que homenaxea a memoria de Gerardo Steudel. Neste torneo participarán 72 deportistas, dos cales 24 son mulleres, de 17 equipos distintos.
A Federación Galega de Natación (FEGAN) e a AD Fogar organizan a competición, en colaboración co Concello de Carballo e Carballo Deporte. As probas de fondo máster levaranse a cabo seguindo os protocolos sanitarios correspondentes pola COVID-19.
O CN Ponteareas competirá con seis nadadoras no campionato de fondo máster
Dos 17 clubs participantes, só nove participarán na categoría feminina. Deles, o que aportará unha maior representación é o CN Ponteareas, con seis nadadoras dun total de 12 fondistas.
Ver esta publicación en Instagram
Ségueno o CN Galaico, CN Liceo e CN Vigo Rías Baixas con tres nadadoras. O AD Fogar, Club del Mar de San Amaro e CN Pabellón Ourense acudirán con dúas e o CDN Cidade de Santiago e o USC competirán no torneo cunha participante.
As probas femininas do Fondo Máster comezarán na quenda de tarde desde as 16:00 horas. O turno de quencemento extenderase ata as 17:00 horas, iniciando xa a competición. A primeira categoría serán as dúas series dos 1500 libres, seguidas doutras dúas series de 800 libres.
A incripción e o protocolo poden consultarse no apartado de descargas da web da AD Fogar.
