- Tahonas Debén, un dos colaboradores habituais da carreira, regalou 70 quilos de roscones á institución.
- Saunier Duval, que organiza a recollida de alimentos desde fai xa oito edicións coa colaboración de O Silbato , logrou reunir 545 quilos no seu local de Cambre e no tres Decathlon da zona da Coruña.
- Gadis e Coca Cola, patrocinadores da San Silvestre Coruña, tamén levaron produtos e agasallos até o almacén que ten a Cocina Económica na Grela.
- A carreira, que se pode completar até as 23.59 do día 5, reunirá a recadación final para entregala tamén á Cocina Económica a próxima semana.
A undécima edición da San Silvestre Coruña, rematará esta noite, coa chegado dos Reis Magos de Oriente. A cita deportiva, que este ano tivo que adaptarse ás circunstancias sanitarias de 2020 para transformarse nunha carreira virtual e solidaria, logrou bater unha marca que, aínda que non é deportivo, é mesmo máis satisfactorio: a solidaria.
Saunier Duval, que organiza a recollida xunto coa pena O Silbato, logrou reunir máis de media tonelada de alimentos, que entregou esta mañá na Cocina Económica. Segundo Marcos Ordóñez, de Saunier Duval, “este ano había máis concienciación e axudou moito que houbese tres puntos de entrega, ademais da sede da empresa en O Temple, en Decathlon, que colaboraron moito coa campaña”. De feito, cada persoa que entregaba cinco quilos ou máis levaba unha bolsa con agasallos.
Segundo os cálculos de Ordóñez, en O Temple “reuníronse 100 quilos, 220 no Decathlon de Oleiros, 125 no Decathlon de Marineda City e outros 50 no da rúa Real, ademais doutros 50 de Gadis“, o que supón un total de 545 quilos. A mercadoría entregouse no almacén que ten a Cocina Económica na Grela, onde tamén levaron as bolsas regalo de Gadis.
Ademais, tamén se realizou no local da Cocina Económica no Orzán unha entrega de máis de 70 quilos de roscones de Tahonas Debén, que colabora coa carreira desde o principio. “Todos os anos damos os roscones para a San Silvestre”, explicou José Debén- e este ano, “como non se pode correr, estamos encantados de traelos aquí”.
Na entrega estiveron tamén presentes Baltasar López, de Gadis, e David Iglesias, organizador da San Silvestre, ademais de Óscar Castro, da Cocina Económica, que agradeceu xestos como este que “permiten pechar o ano con moita solidariedade”. Segundo Castro, este ano “a solidariedade vai proporcional” aos momentos tan difíciles que se viviron e que “moita xente que nunca fixera unha achega decidiu facela”.
Preto de 1.850 participantes
A pesar de ser virtual, a carreira está a ser todo un éxito tras rozar a cifra de 1.850 participantes a través da app, dos que máis de 700 realizaron achegas para a Cocina Económica. Esta cantidade entregarase unha vez que se terminou a carreira, á que aínda é posible apuntarse e facer unha doazón, que conclúe ás 23.59 do 5 de xaneiro.
Para os máis solidarios hai máis de 60 sorteos de premios grazas aos colaboradores e patrocinadores, con xamóns do Piñeiral, reloxos deportivos de Joyería Calvo, lentes de sol de Óptica Castro, bonos de saúde de Termaria, packs de Coca Cola e Gadis e dorsais para as carreiras da Muller e San Silvestre de 2021.
Aplicación San Silvestre Coruna
A inscrición para realizar os percorridos, así como a descarga da app, estará aberta até o seis de xaneiro. Aínda que a proba é gratuíta, os participantes que así o desexen poderán realizar unha doazón mínima de cinco euros, que irán destinados á Cocina Económica, o que lles permitirá optar aos agasallos e promocións dos colaboradores e patrocinadores.
A carreira faise despois de inscribirse a través da aplicación oficial, San Silvestre Coruña, que se pode descargar para dispositivos Android e Apple, ou na páxina web www.sansilvestrecoruna.com.
Os participantes poden realizar un, varios ou todos os percorridos deseñados pola organización ou nun libre, elixido polo propio corredor, todas as veces que queiran aínda que só contabilizará o mellor tempo conseguido. Desta forma, a San Silvestre Coruña pódese disputar por calquera persoa, de calquera idade en calquera parte do mundo.
Entre os participantes, hai unha gran diversidade, empezando pola idade. Hai anotadas catro persoas de 75 anos, unha muller e tres homes, mentres que no extremo oposto hai dous nenos e dúas nenas de só seis anos de idade.
En canto ás descargas, a maioría son da Coruña, aínda que temos participantes de Alemaña, Francia, Italia, Venezuela, Ecuador e, sobre todo, Estados Unidos. Dentro de España, hai participantes de Asturias, Baleares, Cataluña, País Vasco, Castela e León e Madrid.
Hai tres tipos de percorridos, ademais do que elixe libremente o participante: os oficiais (dúas distancias para escolares de 500 e 1.000 metros, 5 quilómetros e 10 quilómetros polo Paseo Marítimo), o Camiño Inglés (cun total de seis etapas) e o Reto Diversa Inclusiva.
A XI San Silvestre está organizada por Club Rialto, coa colaboración do Concello da Coruña e con Abanca, Castro Ópticos e Gadis como patrocinadores. Ademais, tamén colaboran Cocacola, Termaria, Etnia Barcelona, Jamonerías O Piñeiral, Transdelfer, Decathlon, La Opinión A Coruña, Radio Coruña e Fibex.
