Málaga será a sede do Campionato de España Cadete, Júnior e Sub-21, competición que se celebra do 27 ao 29 de novembro e na que participarán case 600 deportistas nas modalidades de kata individual, kata por equipos e kumite individual. Entre eles, 19 representarán á Federación Galega, das cales nove competirán nas categorías femininas.
Tres delas o farán tanto na modalidade de kata como na de kumite. Trátase das cadetes do Bunkai Ferrol, Alba Rocha e Valeria Montero e a júnior do mesmo club, Jéssica Criado.
En kumite, competirán ademais delas, Eva Rodríguez, en cadete -47kg, Ildara García, en cadete -54kg e Martina Soto, en +54kg. En júnior competirán Lucía Guerrero e Aya Fathallah, xunto con Criado, en +59kg. Na máxima categoría desta competición, o sub-21, participará Lucía Herrero, do River Stone – O Barco.
Representando á selección galega participante neste evento estarán case unha veintena de deportistas pertencentes aos seguintes clubs:
- Bunkai (Ferrol)
- San Francisco Teo (Teo)
- Karate-do Carballo (Carballo)
- Escola de Karate de Franza (Mugardos)
- River Stone (O Barco de Valdeorras)
- Akai-Ryu (Negreira)
- Renbukan (Ferrol)
O equipo técnico da Federación Galega de Karate e disciplinas asociadas (FGK) estará integrado por Ruth Lorenzo Couso, Noelia Cortiñas Expósito, Alejandro Felpeto Gesto, Sara Vázquez Rumbo e Ariadna Rocha López.
A representación galega nesta competición complétase coa participación de José Ignacio Muñoz Pérez, Diego González Llecha, David González Vázquez e Carla Rodríguez Fernández como árbitros. Participaron ademais no Curso Nacional de Arbitraxe que se celebrou o 25 e 26 de novembro de 2020.
Este campionato poderá seguirse ademais a través da canle de Youtube da Real Federación Española de Karate.
Campeonato de España Cadete, Junior y Sub-21 desde Málaga.
Os recordamos los enlaces de hoy para que no os perdáis nada a partir de la 16.30 h en el YouTube RFEKarate.
TATAMIS 1, 2 y 3https://t.co/yoLmPSwS1L
TATAMIS 4, 5 y 6https://t.co/9mBS2gsdw8
#yovuelvoaltatami pic.twitter.com/Jg9hJtUkSN— R.F.Española Karate (@RFEKarate) November 27, 2020
