As ciclistas galegas non terán que esperar moito para estrear as competicións do 2022. O vindeiro 7 de xaneiro da comezo o Campionato de España de Ciclocrós en Xàtiva (Valencia). Á cita acudiran un total de 25 deportistas da Selección Galega, dez delas femininas.
Entre as convocadas destacan nomes como o de Irene Trabazo, do XSM Club, quen ademais proclamouse recentemente campioa de Galicia na modalidade de ciclocrós. A ciclista estará na categoría elite ás ordes do seleccionador Alberto del Río.
Irene Trabazo revalida a súa coroa no Campionato de Galicia de Ciclocrós
En sub23, a representante na Selección Galega será Carla Fernández, do Team Farto, tamén habitual nos podios do ciclocrós galego. Xa en categoría júnior, tres deportistas compoñen o equipo feminino: Laura Mira, do Supermercados Froiz, Uxía Soto, tamén do Supermercados Froiz, e Sarela Conde, do Maceda CC.
Por último, entre as cadetes, competirán Marta Estévez e Aroa Otero, do Supermercados Froiz, María Filgueiras, do Meruelo CC, Lorena Patiño, do Compostelano CC, e Iris Fernández, do Maceda CC.