A Selección Española impúxose á de Zambia por un contundente marcador de 5-0. O gol que abriu a lata foi da futbolista galega Tere Abelleira que cun trallazo coa dereita desde a frontal da área conseguía o 1-0 para España.
Con autoridade o combinado vermello de España impúxose ao de Zambia na Copa do Mundo. Cinco goles, dos cales o primeiro leva a pegada da galega Tere Abelleira colocaron ao equipo que prepara Jorge Vilda en oitavos de final do Mundial. A Selección Española vaise xogar coa selección nipona o primeiro posto do Grupo C.
Será esta a segunda vez que a Selección Española feminina disputará os oitavos de final dunha Copa do Mundo de fútbol. A traxectoria da Vermella nesta Copa do Mundo apunta outro fito: esta é a primeira ocasión en que España acada esa clasificación cun partido por disputarse na fase de grupos.
Zambia recibiu en Auckland unha goleada (5-0) con protagonismo da futbolista pontevedresa Tere Abelleira. Nesta ocasión non se conformou con ser titular e ter protagonismo no xogo. A galega foi, ademais, quen abriu a lista de goles españois cun trallazo coa dereita que supuxo o 1-0 para o equipo que adestra Vilda. Imparable e pola escadra. Golazo coa sinatura de Tere Abelleira cando non se levaban disputados nin dez minutos de xogo do partido.
Antes de cumplirse o cuarto de hora foi Jenni Hermoso a que, coa testa, anotaba o 2-0. O centro foi de Alexia Putellas que regresaba ao once inicial de España. O 3-0 asinouno Alba Redondo no 69.
🙌🏽 Aʟ ᴄɪᴇʟᴏ ᴄᴏɴ ʟᴀ ᴍᴀ́xɪᴍᴀ ɢᴏʟᴇᴀᴅᴏʀᴀ ʏᴀ ᴄᴇɴᴛᴇɴᴀʀɪᴀ ᴄᴏɴ Esᴘᴀɴ̃ᴀ 😍#JugarLucharYGanar I #FIFAWWC pic.twitter.com/U0zU0LMKDs
— Selección Española Femenina de Fútbol (@SEFutbolFem) July 26, 2023
Xa na segunda metade Jenni Hermoso marcaba o 4-0 (con revisión do VAR incluída). Hermoso sumaba neste partido 2 goles, 50 tantos coa Selección Española e 100 partidos vestindo a Vermella.
Novamente Alba Redondo anotaba para completar a ‘man’ de España a Zambia e subir ao marcador o 5-0 no minuto 86.
No equipo de arranque estiveron Tere Abelleira e a ex do Dépor ABANCA, Misa. Athenea del Castillo (tamén ex xogadora deportivista) non saíu esta vez de inicio pero tivo minutos ao substituír no 83 a Mariona Caldentey.
PINCHA AQUÍ PARA VER O RESUMO DO PARTIDO ESPAÑA-ZAMBIA E O GOL DE TERE ABELLEIRA
FICHA TÉCNICA
5) ESPAÑA: Misa, Ona Batlle (Oihane Hernández 46′), Irene Paredes, Ivana Andrés, Olga Carmona, Tere Abelleira, Aitana Bonmatí (Irene Guerrero 61′), Alexia Putellas (Alba Redondo 46′), Mariona Caldentey (Athenea del Castillo 83′), Salma Paralluelo (Eva Navarro 46′) e Jenni Hermoso.
0) ZAMBIA: Sakala, Mweemba (Vast Phiri 76′), Belemu, Tembo, Musesa, Susan Banda (Wilombe 37′), Katongo (Ochumba Lubandji 76′), Lungu, Barbra Banda, Kundananji, e Mapepa (Chitundu 37′).
GOLES: 1-0 | (9′) Tere Abelleira marca cun forte dereitazo desde a frontal do área. 2-0 | (13′) Jenni Hermoso de cabeza a centro de Alexia. 3-0 | (69′) Alba Redondo a porta baleira tras driblar a Sakala na súa saída. 4-0 | (74′) Jennifer Hermoso remata desde moi preto en posición correcta validada polo VAR. 5-0 | (86′) Alba Redondo completa unha gran definición tras un magnífico control dentro da área.
EQUIPO ARBITRAL: Oh-Hyeon Jeong (Corea del Sur). Árbitras asistentes: Lee Seul Gi y Mi-Suk Park (Corea del Sur). Cuarta árbitra: Ivana Martinčić (Croacia). Árbitro asistente de vídeo: Muhhamad Bin Jahari (Singapur)
INCIDENCIAS: Segunda xornada do Grupo C da Copa del Mundo Feminina de Australia e New Zeland 2023. Partido disputado no Estadio Eden Park de Auckland (Nueva Zelanda). Preto de 21.000 persoas presenciando o partido nas bancadas. No palco de autoridades estivo vendo o partido o presidente da Real Federación Española de Fútbol, Luis Rubiales.
️ :
️ Jorge Vilda: “Me quedo con la reacción del equipo en la segunda parte”.
️ @AFerrer_10: “Estoy feliz de ayudar con goles al equipo”.#JugarLucharYGanar I #FIFAWWC pic.twitter.com/xbr2s1h2qy
— Selección Española Femenina de Fútbol (@SEFutbolFem) July 26, 2023
