Tardáballe en chegar ao Viaxes Amarelle FSF o momento de puntuar diante do seu público e finalmente chegou. As xogadoras que adestra Jorge Basanta colleitaron un empate ante un rival directo como a AD Sala Zaragoza. O partido, disputado no Pavillón da Sagrada Familia da Coruña, finalizaou cun 4-4 no marcador electrónico. As laranxas venceron dous partidos pero sempre lonxe de terras herculinas. Como locais, aínda non tiñan puntuado, polo que, aínda que sexa unicamente un empate, este resultado abre a lata para as galegas no seu feudo.
Na sexta xornada, terceira como anfitroas, foi a vencida e por fin o equipo herculino do Viaxes Amarelle FSF puntuou en feudo propio.
As galegas recibían as mañas no Municipal da Sagrada Familia coa intención de conseguir os seus primeiros puntos da tempada, e acadárono. Enfronte estaba un rival directo na loita por manter a categoría, a AD Sala Zaragoza.
O conxunto herculino atopábase cun gol das visitantes aos 10 segundos de xogo, pero conseguían refacerse na pista e dar a volta ao marcador; pero nun partido de idas e vindas, na segunda parte o luminoso chegou a un 2-4, a favor do AD Sala Zaragoza FSF.
O Viaxes Amarelle FSF non baixou en ningún momento os brazos e conseguiu igualar a contenda a falta de 7 minutos para o final; pero o gol da vitoria resistíase, a pesar de que as galegas o tentaban co xogo de cinco nos últimos dous minutos, pero sen fortuna; e cunha repartición de puntos para ambas as escuadras, tras un luminoso de 4-4.
O partido empezaba cun AD Sala Zaragoza FSF que sacaba de centro e sorprendía cun balón longo que caía diante de Leti Rojo, e cando esta rexeitaba o esférico, Giba aproveitaba para subir o 0-1 ao marcador.
Aínda quedaba moito partido, e a escuadra galega poñíase ao choio para dar a volta ao marcador, e empezaba a xerar perigo sobre a portería visitante, e aos 3 minutos de xogo, Carol Agulla finaliza un contragolpe de manual e sobe o 1-1 ao marcador. Xa coa igualada no marcador, o Viaxes Amarelle FSF seguía imprimindo ritmo ao partido e nun balón longo de Leti Rojo, a porteira visitante estaba adiantada e toca o balón coa man fose da área.
Amarela para Ana Eliza, e falta ao bordo da área. Aí foi onde Cris Lourés conseguía poñer por diante á escuadra que dirixe Jorge Basanta, co 2-1.
Aínda quedaba moito partido, e o AD Sala Zaragoza FSF tiña moito potencial ofensivo, e creaba perigo na portería herculina; e aos sete minutos de xogo, chegaría o 2-2 ao marcador. Giba finaliza unha xogada, tras un roubo de balón na saída de presión das herculinas.
Chegouse ao descanso cun 2-2 entre Viaxes Amarelle FSF e AD Sala Zaragoza
Ambas as dúas escuadras buscaban o gol para poñerse por diante no marcador, e a pesar de que as ocasións se sucedían unha e outra vez; o gol resistíase e ambos os equipos iríanse ao tempo de asueto co 2-2 no electrónico.
Logo do descanso o partido seguía unha dinámica similar á da primeira parte, pero onde nos primeiros minutos destacou a xogadora do AD Sala Zaragoza FSF , Melissa Jaimes, que conseguía aos dous minutos cun tremendo zapatazo desde uns 10 metros subir o 2-3 ao marcador, cun gol pola escuadra.
Apenas dous minutos máis tarde, subía o 2-4 para o seu equipo, cun balón baixo axustado ao pau, e imposible para a meta herculina.
O partido parecía que se complicaba para a escuadra galega, e o conxunto maño, tomaba posicións en media pista para tratar de defender a súa vantaxe. O Viaxes Amarelle FSF non cejaba no seu empeño de meterse no partido, e na finalización dun saque de banda, Clàudia Lobo finalizaba no segundo pau e poñía o 2-3 no marcador.
O conxunto herculino, seguía buscando a portería visitante con ganas, e a falta de oito minutos para o final do partido, Carol Agulla finaliza unha xogada de estratexia de falta e pon as táboas no marcador.
Novamente a igualada volvía estar no marcador. Con todo, o conxunto herculino buscaba con ganas os tres puntos. As visitantes tampouco desfallecían no seu intento por conseguir sorprender á contra, pero as galegas eran as que poñían toda a carne no asador.
A falta de dous minutos, Jorge Basanta saca a pista o xogo de cinco para tratar de meter o ansiado gol que dea os tres puntos ás coruñesas, pero este resístese. Pese a teima por gañar de tres das galegas, o partido termina por concluír co 4-4 e reparto de puntos entre ambos os equipos. Táboas, e primeiro punto como local para as laranxas.
Descanso e viaxe para xogar a Copa contra o CD Chiloeches
Tras este novo duelo oficial da tempada, o conxunto tivo este domingo como xornada de descanso, e hoxe, luns 31 de outubro, terá viaxe para afrontar o duelo de Copa de S.M. A Raíña de Fútbol sala que se disputará este próximo martes festivo.
Chega o partido de dezaseisavos de final da Copa de S.M. A Raíña de Fútbol sala, que terá lugar o martes 1 de novembro de 2022, a partir das 12:00 horas no Pavillón Municipal de Chiloeches (Chiloeches). O Viaxes Amarelle FSF visitará ao CD Chiloeches.
FICHA TÉCNICA
4) VIAXES AMARELLE FSF: Leti Rojo, Cris Lourés, Carol Agulla, Lau Doce e Clàudia Lobo – quinteto inicial -. Tamén xogaron: María Gómez, Marta Hermo, Èlia Gullí, Khrystyna Stepanenko e Laura Rivas.
4) AD SALA ZARAGOZA FSF: Ana Eliza, Miriam, Giba, María Moreno e Laura Boix – quinteto inicial -. Tamén xogaron: Melissa Jaimes, María Illescas e Vero.
GOLES: 0-1 Giba (min. 1); 1-1 Carol Agulla (min. 3); 2-1 Cris Lourés (min. 4); 2-2 Giba (min. 7); 2-3 Jaimes (min. 22); 2-4 Jaimes (min. 24); 3-4 Clàudia Lobo (min. 26); 4-4 Carol Agulla (min. 33).
EQUIPO ARBITRAL: Roberto Segundo Amor Vizoso e Iria De Luis Iglesia do Comité Técnico de Árbitros de Ferrol e A Mariña. Árbitro Asistente: Carlos Mosquera González do Comité Técnico de Árbitros de Ferrol. Mesa: Berta García Vázquez do Comité Técnico de Árbitros da Coruña. Amonestaron con cartón amarelo ás xogadoras do Viaxes Amarelle: Ana Eliza, María Moreno, Laura Boix, e pola AD Sala Zaragoza a Melissa Jaimes.
INCIDENCIAS: Partido correspondente á sexta xornada da Primera División da RFEF FuSalFem disputado no Pavillón Municipal da Sagrada Familia (A Coruña).