O Dépor ABANCA estréase na casa nesta nova etapa na que xogará na Segunda División do futfem estatal ante o FC Barcelona B (domingo 5/9/21 na Cidade Deportiva de Abegondo ás 12:00 horas). Xustamente o equipo no pasado curso estaba o seu novo técnico, Miguel Llorente.
Na primeira convocatoria do equipo branquiazul quedan fóra por lesión as futbolistas María Sampalo, Laura Fernández, Andrea Sierra e Carlota, esta última como consecuencia dunhas molestias nun xeonllo, pendente de evolución nos próximos días.
O que foi chegar e encher foi a incorporación da futbolista Charity Ogbenyealu Adule (Abia, Nixeria, 7/10/1993). A nova xogadora do Dépor ABANCA adestrouse nesta mañá de sábado (4/9/21) por primeira vez co equipo en Abegondo e xa entrou na lista de xogadoras convocadas por Miguel Llorente para o debut deportivista na súa casa e diante da súa afección.
As canteirás Tati, María Figueroa, Reigosa e Paula Novo completan esta primeira lista oficial de Miguel Llorente, quen precisamente adestraba ao Barça B a pasada tempada.
Por certo, o conxunto deportisvista xa ten capitás. Trátase de Alba Merino, Patri López e Cris Martínez.
Con C de Compromiso con este Club e este proxecto. Con C de Capitás!
Alba, Patri, Cris ⚽️ #asnosas 🦋 #VoemosXuntas 💙 #MoitoPorVivir pic.twitter.com/4S1JTAARBc
— RC Deportivo (@RCDeportivo) September 4, 2021
Á internacional nixeriana Charity Ogbenyealu Adule referiuse o técnico deportivista Miguel Llorente en rolda de prensa: “É unha xogadora que nos vai a dar moita profundidade. Móvese ben entre centrais, entre central e lateral. Iso fai que podamos atopar ese equilibrio entre xogadoras que veñan máis ao pé e xogadoras que vaian máis ás costas. Tendemos a xogar en distancias moi curtas porque considero que así somos máis efectivas. Pero nesas curtas o rival ten que decidir se vir ou non vir. Se vén, o espazo está ás costas e xogadoras como Charity pódennos vir moi ben. E se non veñen continuaremos xogando ao pé e xogadoras como Charity xogando de extremo ou de ‘9’ pódenos vir ben”.
Charity Adule, a última incorporación do Dépor ABANCA
Adule converteuse en nova xogadora do Dépor ABANCA para a Tempada 2021-2022 sobre a campá. A extrema nixeriana procede da SD Eibar, conxunto no que militou as dúas últimas campañas. Na primeira delas, logrou o ascenso a Primeira Iberdrola, xogando 19 partidos e marcando 8 goles.
O curso pasado, na máxima categoría, disputou o mesmo número de encontros aínda que nesta ocasión non viu porta. Con anterioridade, Charity Ogbenyealu Adule militou no Rivers Angels FC (2006-2011), co que debutou en categoría senior con só 14 anos, e o Bayelsa Queens FC (2011-2014), ambos do seu país natal.
Posteriormente fichou polo BIIK Kazygurt, conxunto de Casaquistán no que xogou cinco tempadas (2014-2019), nas que fixo pleno de títulos con 5 dobretes Liga-Copa. Internacional absoluta con Nixeria, Charity Ogbenyealu Adule participou en dous campionatos do mundo sub-20 coa selección do seu país.
#ASNOSAS | Charity Adule, nova xogadora do #DéporABANCA2122 https://t.co/nMN6cemRrk Benvida @AduleC! pic.twitter.com/yGBlB6TwAi
— RC Deportivo (@RCDeportivo) August 31, 2021
Na edición de 2010, en Alemaña, alcanzou a final, na que Nixeria perdeu fronte ás anfitrioas (2-0). Adule xogou 5 dos 6 partidos, aínda que só un deles como titular. No torneo de 2012, celebrado en Xapón, Nixeria obtivo a cuarta posición final despois de perder a semifinal fronte a Estados Unidos. No país nipón, Charity Adule disputou 5 encontros, sendo titular en 2 deles.
Miguel Llorente apela á importancia da bancada en Abegondo: “Para mí #ANOSAFORZA é o 80%”
