O HC Deportivo Liceo precisaba gañar ao Martinelia CP Manlleu por máis de dous goles para adelantar ás catalás e ser as primeiras de grupo nesta fase da WSE Champions League. O conxunto galego que adestra Stanis García quedou a un gol do fito. Gañaron por 1-3 na súa cancha a todo un Manlleu.
Ambos os dous equipos estarán nos cuartos de final da WSE Champions League. Os goles do HC Deportivo Liceo foron de Alba Garrote, Luchy Paz e María Sanjurjo. Abría o marcador Elisabet Gurri para as locais co 1-0 no minuto 12 de xogo. Logo foron caendo os goles das verdibrancas que quedaron a so un de rematar esta fase competitiva no liderato. Tería sido todo un fito sendo esta a súa primera participación europea.
O rival das coruñesas en cuartos de final da WSE Champions League será o Generali HC Palau de Plegamas, actual líder da OK Liga Iberdrola, e vixente campión da competición europea. A eliminatoria será en abril a dobre partido (ida e volta).
Tamén se clasificaron: CP Vila-Sana, Telecable HC Gijón, Cerdanyola CH Feníe Energía, Benfica e Valdagno.
FINAAAL e victoria que finalmente deixanos segundas de grupo.
O cruce de cuartos da WSE Champions League Fem finalmente será contra o @hcpalau
Ida: 1/4 en Riazor.
Volta: 15/4 en Palau. pic.twitter.com/O5HZJaBlJR— Hockey Club Liceo Feminino (@HCLiceoFem) March 18, 2023
FICHA TÉCNICA
1) MARTINELIA CP MANLLEU: Abril Alonso, Nara López, Ona Castellví, Elisabet Gurri e Anna Bulló – quinteto inicial -. Tamén xogaron: Julia Canal, MIreia Codinach e Nuria Garciolo.
3) HC DEPORTIVO LICEO: Viky Caretta, Bea Gaete, Marlena Rubio, María Sanjurjo e Alba Garrote – quinteto inicial -. Tamén xogaron: Lara Yáñez, Cris Diz, Luchy Paz e Ale Martín.
GOLES: 1-0 (12 min.) Elisabet Gurri. 1-1 (23 min.) Alba Garrote. 1-2 (38 min.) Luchy Paz. 1-3 (47 min.) María Sanjurjo.
EQUIPO ARBITRAL: Silecchia e Andrisani (colexio italiano). Sen amonestadas.
INCIDENCIAS: Partido correspondente á WSE Champions League europea disputado na cancha de Manlleu.
