Arranca a pretempada para o Durán Maquinaria Ensino no Pazo dos Deportes da capital lucense. O equipo realizou o seu primeiro adestramento esta mañá de luns 16 de agosto ás ordes do técnico Miguel Ángel Ortega que será o que dirixa o club nesta campaña 2021-22 na LF Endesa.
Nesta primeira xornada de adestramento sobre o parqué do Pazo non estiveron dúas xogadoras. Por unha banda a xogadora internacional Tamara Abalde, que conta con días extra de descanso logo de participar coa Selección Española feminina de Baloncesto nos Xogos Olímpicos de Tokyo 2020.
A outra ausencia foi a de Chatrice White que conta con permiso do Ensino Lugo para solucionar uns atrancos burocráticos.
Aí estiveron as Orsili, Van del Aden, Aliaga, Bahí, Giral, Da Silva, Lizarazu, Eraunzetamurgil Prieto e compañía que este ano defenderán a elástica do Ensino Lugo na Liga Feminina Endesa.
