O Conservas Orbe Zendal BM Porriño queda a un chanzo do título ao perder por un só gol diante do Valur (25-24) o partido de volta da final deste campionato de Europa de balonmán feminino 2025, European Cup.
🤾♀️ Un só tanto separou ao @BmPorrino de facerse coa EHF European Women Cup logo de caer 25-24 contra o @valurhandbolti
👏 Parabéns a equipo e afección por esta fantástica tempada! pic.twitter.com/gV3mBwBlnL
— Deporte Galego (@deporte_galego) May 17, 2025
Ata o último segundo do partido o Conservas Orbe Zendal BM Porriño que adestra Isma Martínez pelexou por acadar o título da European Cup 2025. Non puido ser pese a remontada das galegas no tramo final do encontro. Escapousellle o entorchado europeo pero as do Porriño déronlle a cara a competición desde o principio e ao Valur nesta final a dobre partido.
Lovísa Thompson with a 🚀 for @valurhandbolti 🇮🇸 in the #ecw final against @BmPorrino 🇪🇸#ehf #ehfec | 📺EHFTV pic.twitter.com/LvSBd2aLkk
— European Handball Federation (@EHF_Activities) May 17, 2025
As de Reykjavik no puideron pasar do empate (29-29) en Galicia, e superaron pola mínima (25-24) ao Conservas Orbe Zendal BM Porriño no partido devolta que decidía a final da European Cup 2025.
O conxunto galego chegou a estar por diante no marcador en terras de Islandia (3-6 aos 11 minutos de xogo), pero o Valur meteu a directa e asinou un parcial de 7-0. O partido pasou dun 4-7 a un 11-7.
Watch out for @carobono4! 👀🤯
🇮🇸 @valurhandbolti and @BmPorrino 🇪🇸 fighting for the #ecw trophy ⚔#ehf #ehfec pic.twitter.com/NPRqUZQ2gd
— European Handball Federation (@EHF_Activities) May 17, 2025
Remontada galega na parte final da European Cup
Ao descanso o Valur mandaba no electrónico por un marcador de 12-8. A 14 minutos do final a renda das locais era de 21-14. Foi aí cando o Conservas Orbe Zendal BM Porriño sacou peito e fouteza e, lonxe de baixar os brazos e dar a final por perdida, loitou ata o último momento do encontro por forzar a prórroga.
Con esforzo e tino diante da portaría rival, o equipo galego colocábase 25-24 na final da European Cup 2025 cando se escoitou a bucina final.
Así, a un chanzo da épica, finalizaban as galegas a competición europea sendo subcampioas diante dun Valur que gañaba o título da European Cup por vez primeira para un equipo islandés.
A rabia de acariñar o título e non conseguilo por tan pouquiño non pode empañar o éxito rotundo que supón para o Conservas Orbe Zendal BM Porriño e o balonmán galego este subcampionato na European Cup 2025.
Final en Islandia con derrota por un so tanto do Conservas Orbe Zendal Bm Porriño!@valurhandbolti 25 – Conservas Orbe Zendal Bm Porriño 24
Orgullosas de cada unha delas, orgullosos do noso corpo técnico e da Nosa Afección!!!
Somos subcampións da EHF European Cup Women‼️‼️‼️ pic.twitter.com/NCquSEEBIe
— Club Balonmano Porriño (@BmPorrino) May 17, 2025
As xogadoras do Porriño estiveron alentadas desde a grada por un grupo de seareiras e seareiros que as acompañaron nesta aventura europea.
Varias deportistas do Conservas Orbe Zendal BM Porriño apuntaba á TVG esa sensación na que a alegría se mistura coa tristeza, pero sendo conscientes de que, co tempo saberán gozar o mérito deportivo que ten ter sido subcampioas da European Cup.
Malena Valles apuntaba: “Nunhas horas valoraremos a medalla”
Sarai Sanmartín explicaba: “Nun tempo direi o bonita que é, hoxe non moito”. Pola súa banda Malena Valles apuntaba: “Nunhas horas valoraremos a medalla”. E Carolina Bono aseguraba estar “moi orgullosa do equipo” ao final do encontro coa medalla de prata pendurada do pescozo.
🥈 O @BmPorrino quedou ás portas do título da EHF European Cup (54-53 na final)
Sarai Sanmartín 🎙️ “Nun tempo direi o bonita que é, hoxe non moito”
Malena Valles 🎙️ “Nunhas horas valoraremos a medalla”
Carolina Bono 🎙️ “Estou moi orgullosa do equipo”📲 https://t.co/YmjNefN1N3 pic.twitter.com/EuQXcUJcpK
— En Xogo tvG2 (@EnXogo_tvG2) May 18, 2025
FICHA TÉCNICA
25) VALUR: Renötudöttir, Haukstudöttir, Arngrimsdöttir, Börhallsdöttir, Bjornsdöttir, Lija Augustdöttir (4), Asgeirsdöttir (6), Asdis Agustsdöttir (1), Eliasdöttir (4), Traustadöttir, Einarsdöttir, Eiriksdöttir, Arnardöttir, Sturludöttir (3), Magnusdöttir (4) e Thompson (3).
24) CONSERVAS ORBE ZENDAL PORRIÑO: Palomino, Zhukova (3), Bono (2), Casasola, Campo, Benaches, Valles (3), Santomé (2), Arosa, Barros (5), Samartín (2), Buforn (6), Bengoetxea, Moreno, Laguna (1) e Ayelén.
MARCADOR CADA CINCO MINUTOS: 2-1, 3-5, 5-7, 6-7, 11-7, 12-9 (descanso) 16-11, 17-13, 19-14, 22-16, 24-20, 25-24.
INCIDENCIAS: Partido de volta da European Cup disputado en Reykjavik. Preto dun cento de seareiros e seareiras galegas se desprazador para acompañar ao BM Porriño neste partido decisivo do Campionato de Europa de clubs de balonmán feminino.
🚨Momento da entrega de trofeos en Reikiavik
🥈As xogadoras do @BmPorrino recolleron as súas medallas de prata
🏆O @valurhandbolti recolle o trofeo que as galegas estiveron a piques de gañar
📲O resumo, no enlace de G24 👉 https://t.co/YmjNefN1N3 pic.twitter.com/nGy84upyxp
— En Xogo tvG2 (@EnXogo_tvG2) May 17, 2025
